چیە؟ KRG پروگرامێ وه‌زاره‌تا په‌روه‌ردە - حكومه‌تا هه‌رێما كوردستانێ

بخێر بێن بو پروگرامێ وه‌زاره‌تا په‌روه‌رده‌ - حكومه‌تا هه‌رێما كوردستانێ، ئه‌ڤ پروگرامه‌‌ یێ ئه‌كادیمی ونه‌وازه‌یه‌، ب هیری هاتیه‌ دانان ژلایێ وه‌زاره‌تا په‌روه‌ردێ بو بجهئینانا پێدڤیێن هزری یێن وان قوتابیا ئه‌وێن ته‌مه‌نێ وان دناڤبه‌را 15 بو 18 سالیێ ل پولێن (10 و 11 و 12). ئه‌ڤ پروگرامه‌ خاله‌كا ده‌سپێكرنێ یه‌ بو وان كه‌سێن هیڤی هه‌ی بچنه‌ زانكو وپه‌یمانگه‌هێن لوكال و نێڤده‌وله‌تی و ئامرازێن پێدڤی یێن سه‌ركه‌فتنێ دژایانا واندا بكه‌نه‌ دده‌ستێن واندا. ئارمانجا مه‌ ئه‌وه‌ چاڤدێریا شیانێن هزری وفێركاری یێن قوتابیان بكه‌ین دا كو گه‌شه‌ بكه‌ن، نه‌بتنێ وه‌كو تاك به‌لكو وه‌ك پشكدارێن بهادار دگه‌شه‌كرنا جڤاكی دا، برێكا په‌ره‌پێدانا هزركرنه‌كا ره‌خنه‌گرانه‌ و شاره‌زایێن هزركرنا لوژیكی، ئه‌م هانا قوتابیێن خو دده‌ین دا كو ببنه‌ هێڤێنێ گوهرینا ئه‌رینی ل ناڤ وه‌لاتی دا، سه‌رباری ڤێ چه‌ندێ پروگرامێ وه‌زاره‌تا په‌روه‌ردێ KRG دوپاتیێ ل سه‌ر گرنگیا په‌سه‌ندكرنا بنه‌مایێن نێڤده‌وله‌تی دكه‌ت، دا كو ئه‌و قوتابی هه‌رده‌م دبه‌رهه‌ڤ بن ری ب ری هه‌ر چالنجه‌كێ ببن دجیهانێ دا. ئه‌م ل ڤی پروگرامی هه‌ول دده‌ین ئه‌زمونه‌كا فێركرنێ یا هه‌مه‌لایه‌ن به‌رده‌ست بكه‌ین كو ئه‌و ئه‌زمون ببیته‌ رێخوشكه‌ر بو نه‌خشه‌كرنا ئاسویێن پاشه‌روژه‌كا گه‌شتر بو هه‌میان. وه‌ره ‌دگه‌ل مه‌ ل ڤێ گه‌شتا تژی گوهرین كو تێدا فێركرن ژ سنورێت نه‌ریتیانه‌ ده‌رباز دبیت و هنده‌ك ده‌رفه‌تێن بێ سنور ڤه‌دكه‌ت

بابه‌تێن ئه‌كادیمی ل هه‌ر پوله‌كێ

بنیاسه KRG ئەو بابه‌تێن ئه‌كادیمی یێن پێشکێشكری لە هەر پلەیەکا پرۆگرامی ‌

پولا ١٠ ێ

ل ده‌مێ تو دچیه‌ دناڤ كیراتیا جیهانا زمانا دا، یێ ئاماده‌به‌ بو گه‌شته‌گا ده‌وله‌مه‌ند دگه‌ل فوكسكرنێ ل سه‌ر زمانێن ئنگلیزی و كوردی و عه‌ره‌بی. ل سه‌ر نه‌هینێن گه‌ردونی هه‌لبه‌ برێكا بیركاریێ و زانستێن بایلوجی و كیمیایێ وفیزیایێ، مه‌ره‌قا خو یا زانستی كارا بكه‌، هه‌ره‌ دناڤ ورده‌كاریێن زانستێن جڤاكی، ژوان ژی زانستێن ئارمانجبه‌ر مینا مافێن مروڤی و جینوسایدكرنا كوردا. داهینانا خو ئازاد بكه‌ ب رێكا زانستێن كومپیوته‌ری و ده‌ربرینێ ژ خو بكه‌ برێكا په‌روه‌ردا وه‌رزشی، هه‌ره‌ دكیراتیا جیهانا هونه‌ری، تێگه‌هێن ئاینێ ئیسلامێ هه‌مبێز بكه‌

پولا ١١ ێ

هێزا زمانا تاقیبكه‌ ل ده‌مێ تو دچیه‌ دناڤ كیراتیا زمانێ ئنگلیزی و كوردی و عه‌ره‌بی، شاره‌زایێت خو یێت شروڤه‌كرنێ سه‌قا بكه‌ دگه‌ل بیركاریێ و زانستێن بایلوجی و كیمیا و فیزیایێ، دا كو بنیاته‌كێ خورستی بو خو دسه‌رهه‌لبونا زانستی دا به‌رده‌ستكه‌ی. ‌شاره‌زایا خو دجیهانا دیجیتالی دا بهێز بێخه‌ ب رێكا زانستێن كومپیوته‌ری ، چاڤدێریكرنا ساخله‌میا خو یا جه‌سته‌یی ب رێكا په‌روه‌ردا وه‌رزشی بكه‌، ده‌ربرینا خو یا هونه‌ری ئازاد بكه‌، تێگه‌هشتنا خو بو په‌روه‌رده‌یا ئیسلامی كیرتر لێبكه‌

پولا ١٢ ێ

یێ به‌رهه‌ڤ به‌ بو سیزنێ دیماهیێ ژ گه‌شتا خو دگه‌ل فوكسكرنێ ل سه‌ر زمانێ ئنگلیزی وكوردی و عه‌ره‌بی. یێ به‌رده‌وام به‌ د لێگەر‌یانا خو بو بیركاریێ و زانستێن زینده‌وه‌ری و كیمیا و فیزیایێ، تێگه‌هشتنه‌كا هه‌مه‌لایه‌ن بو ڤان زانستێن سه‌ره‌كی په‌یدا بكه‌. هه‌ره‌ دناڤ په‌روه‌ردا وه‌رزشی دا، رێكێ بده‌ جه‌سته‌ ومێشكێ خو كو گه‌شه‌ بكه‌ت. داهێنانا خو ئازا بكه‌ برێیا هونه‌ری، زانینا خو ب په‌روه‌ردا ئیسلامی كیر بكه‌. خو ل ناڤ پروگرامه‌كێ ئاستبه‌رزدا نقوم بكه‌، كو هاتیه‌ دیزاین كرن بو ئازاكرنا داهێنانێ و سه‌قاكرنا پێچێبونا و به‌رفره‌هكرنا ئاسویێن زانینا